Fýtboldan Chempıondar lıgasynyń toptyq kezeńiniń úshinshi týr oıyndary ótti.
«A» tobynyń kóshbasshysy ıtalııalyq «Napolı» Amsterdamda «Aıakspen» oınap, 6:1 esebimen jeńiske jetti. Toptaǵy ekinshi oıynda «Lıverpýl» óz alańynda «Reındjersten» basym tústi – 2:0. «V» tobynyń aýtsaıderi sanalǵan «Brıýgge» Belgııada «Atletıkony» 2:0 esebimen qapy qaldyrsa, «Portý» dál sondaı eseppen «Baıerdi» utty.
«S» tobynda «Inter» men «Barselona» arasyndaǵy oıynda túrkııalyq Hakan Chalhanoǵlýdyń goly ıtalııalyq komandaǵa jeńis syılady. Ekinshi matchta «Bavarııa» «Vıktorııa» qaqpasyna jaýapsyz bes gol soqty – 5:0. «D» kvartetinde «Tottenhem» men «Aıntraht» teń tússe (0:0), «Marsel» Fransııada «Sportıngti» 4:1 esebimen tize búktirdi.