Astanada Esil ózenine balyq shabaqtary jiberildi. Jyl saıyn ótkiziletin bul is-sharany barlyq balyq sharýashylyǵy uıymdary júzege asyrady, bul elimizdiń sý aıdynyndaǵy balyq túrleriniń sanyn retteý úshin mańyzdy, dep habarlaıdy Egemen.kz qala ákimdiginiń saıtyna silteme jasap.
Buqtyrma ýyldyryq shashý-ósý sharýashylyǵynyń ınkýbasııalyq sehtarynan Esil ózenine 100 000 aq amýr, 96 798 tuqy balyǵynyń shabaǵy jiberildi.
Balyq shabaqtary Esil ózenine arnaıy jabdyqtalǵan kóliktermen tasymaldanady.Aq amýr tuqy tuqymdasyna jatady. Ol jyl saıyn shamamen 10 santımetrge deıin ósedi. Aq amýr shópqorekti, sý jáne jer ósimdikterimen qorektenedi.
Bul balyq názik ári etiniń dámdiliginiń arqasynda jurtshylyq arasynda suranys joǵary. Bul balyq kóp qorektenedi jáne jyldam ósedi. Olar qamys ósindilerimen, balyqtar men baqalardyń ýyldyryǵymen, qurttar, shaıan tárizdiler, jándiktermen qorektenedi.
«Balyqtandyrý Astana qalasy máslıhatynyń depýtaty, elordanyń qorshaǵan ortany qorǵaý jáne tabıǵat paıdalaný basqarmasy, Esil oblysaralyq balyq sharýashylyǵy basseındik ınspeksııasy, sý resýrstaryn paıdalanýdy retteý jáne qorǵaý jónindegi Esil basseındik ınspeksııasy, qalalyq ekologııa departamenti, Aqmola oblysy boıynsha «Qazaqrybhoz» balyqshylar men balyq sharýashylyǵy sýbektileriniń qoǵamdyq birlestikteriniń Respýblıkalyq Qaýymdastyǵy, «Jasnur» JShS ókilderiniń, «Buqtyrma ýyldyryq shashý-ósý sharýashylyǵy» JShS, sondaı-aq balalar-jasóspirimder týrızmi jáne ólketaný ortalyǵy janyndaǵy ekologııalyq úıirmeniń 8 synyp oqýshylary, elorda turǵyndary qatysýymen júrgizildi», delingen habarlamada.