Qazaqstannyń Ortalyq saılaý komıssııasy JSDP partııasynyń múshesi Nurlan Áýesbaevtyń qujattary zańnamada kórsetilgen talaptarǵa saı keletindigin málimdedi, dep habarlaıdy Egemen.kz.
Endi Nurlan Áýesbaev prezıdenttikke kandıdat retinde resmı tirkeldi.
«Qazaqstan Respýblıkasynyń Prezıdenttigine kandıdat Nurlan Áýesbaev Qazaqstan Respýblıkasynyń Konstıtýsııasymen jáne «Qazaqstan Respýblıkasyndaǵy saılaý týraly» 1995 jylǵy 28 qyrkúıektegi Qazaqstan Respýblıkasynyń Konstıtýsııalyq zańymen qoıylatyn talaptarǵa sáıkes keledi dep belgilensin», delingen QR OSK baspasóz qyzmetiniń habarlamasynda.
OSK oǵan qoldaý kórsetý úshin qoltańba paraqtaryn berý týraly qaýly shyǵardy.
Eske sala ketsek, 7 qazanda Nurlan Áýesbaev óz qujattaryn Ortalyq saılaý komıssııasyna tapsyrǵan edi.