Bıofarmasevtıka, medısına jáne týrızm salalaryndaǵy ekijaqty qatynastardy damytý máselelerin talqylaý úshin beınekonferensııa formatynda Qazaqstannyń Syrtqy saýda palatasy men Kýbanyń Saýda palatasy arasynda birinshi otyrys ótti, dep habarlaıdy Egemen.kz.
Qazaqstan tarapynan atalǵan is-sharaǵa Qazaqstannyń Kýbadaǵy Elshisi Andrıan Elemesov, QR SIM Amerıka departamentiniń dırektory Nurǵalı Arystanov, Qazaqstan Syrtqy saýda palatasy tóraǵasynyń keńesshisi Rýstam Tajenov jáne ulttyq kompanııalardyń ókilderi qatysty. Kýba tarapynan osy eldiń Qazaqstandaǵy Elshisi Oskar Santana Leon, Saýda palatasynyń vıse-prezıdenti Rýben Ramos, bıotehnologııalyq jáne farmasevtıkalyq, sondaı-aq týrıstik kompanııalardyń ókilderi qatysty.
Qatysýshylar bıofarmasevtıka jáne medısına salasyndaǵy, atap aıtqanda, álemde tanymal kýbalyq «BıoKýbaFarma» kompanııasymen, sondaı-aq týrızm aıasyndaǵy yntymaqtastyqtyń áleýetti baǵyttaryn talqylady.
Qazaqstandyq tarap Kýbamen týrıstik salada ózara yntymaqtastyq ornatýǵa qyzyǵýshylyq bildirýde. Osyǵan oraı, Qazaqstan men Kýbanyń týrıstik agenttikteri arasynda tikeleı baılanys ornatylady.