Erler arasyndaǵy Qazaqstannyń birinshi, álemniń 43-raketkasy Aleksandr Býblık Italııanyń Florensııa qalasynda ótip jatqan ATP 250 sanatyndaǵy týrnırdiń jartylaı fınalyna shyǵa almady.
Jerlesimiz jarystyń shırek fınalynda álemdik reıtıngte 75-satyǵa jaıǵasqan amerıkalyq Djon Volfpen sheberlik baıqasty. Úsh setke jalǵasqan tartysty básekede Býblık 6:3, 5:7, 1:6 esebimen qarsylasyna jol berdi. Otandasymyz alǵashqy partııada 6:3 esebimen jeńiske jetkenimen, keıingi eki sette qarsylasy myqtylyq tanytty. Aleksandr amerıkalyq tennısshiden osymen ekinshi márte jeńildi.
Sondaı-aq Germanııadaǵy «Chellendjer» týrnırinde baq synaǵan taǵy bir qazaqstandyq tennısshi Denıs Evseev te jartylaı fınalǵa joldama ala almady. Shırek fınalda polshalyq tennısshi Kasper Jýk jerlesimizden úsh sette – 4:6, 6:3, 3:6 esebimen aılasyn asyrdy.