Jambyl oblysynda zańdy quqyǵy joq 5500-den astam adam baspana kezegine turǵan, dep habarlaıdy Egemen.kz 24.kz arnasyna silteme jasap.
Tarazda qaıtys bolǵan 257 adam úı kezeginde turǵan.
Sondaı-aq monıtorıngtik tekseris nátıjesinde 2000-ǵa jýyq adamnyń nekede turǵany anyqtalyp, 3000-nan astam turǵynnyń jyljymaıtyn múligi bar ekeni belgili bolǵan. Anyqtalǵan adamdardyń barlyǵy páter kezeginde memlekettik qyzmetker, múgedek, jetim balalar jáne halyqtyń basqa da áleýmettik osal toptarynyń ókilderi bolyp tirkelgen.
«Monıtorıng nátıjeleri ákimdikterge joldandy. Vedomstvonyń aralasýynan keıin 1075 adam kezekten shyǵaryldy. Qalǵan 4650 is boıynsha kezekten shyǵarý sharalary júrgizilýde», dep habarlady vedomstvonyń aǵa qyzmetkeri Jánibek Sultanov.
Is qazir Jambyl oblysy boıynsha Sybaılas jemqorlyqqa qarsy qyzmetinde, tekserister áli de jalǵasýda.