Bas prokýrordyń orynbasary Áset Shyndalıev Májilis kýlýarynda Ulttyq qaýipsizdik komıtetiniń burynǵy basshysy Kárim Másimovtiń isi qandaı satyda ekenin naqtylady, dep habarlaıdy Egemen.kz.
Onyń aıtýynsha, tergeý aıaqtaldy, qazir aıyptalýshylar is materıaldarymen tanysýda.
«О́zderińiz biletindeı, tamyz aıynda Ulttyq qaýipsizdik komıteti bul istiń tergelip jatqanyn jáne qazir aıyptalýshylardyń qylmystyq is materıaldarymen tanysyp jatqanyn resmı túrde málimdedi. Men buǵan deıin de bul prosess birshama ýaqyt alatynyn atap óttim», dedi Áset Shyndalıev.
Shyndalıevtyń aıtýynsha, Bas prokýratýra bul is boıynsha eshqandaı shekteý qoımaǵan.
Eske sala ketsek, 6 qańtarda UQK satqyndyq faktisi boıynsha sotqa deıingi tergeýdi bastady. Kárim Másimov jáne basqa da adamdar ustalyp, ýaqytsha ustaý ızolıatoryna qamaldy.
25 tamyzda Kárim Másimovke qatysty qylmystyq isti tergeý aıaqtalǵany belgili boldy.
Buǵan deıin Qazaqstannyń Bas prokýrory Berik Asylov UQK-niń burynǵy basshysy 17 jylǵa bas bostandyǵynan aıyrylýy múmkin ekenin aıtqan edi.