Almaty oblysynyń Polısııa departamentindegiler 20 qazan saǵat 9:50 shamasynda Mercedes avtokóliginiń 20 jastaǵy júrgizýshisi eki jaıaý júrginshini qaǵyp ketkenin habarlady, dep jazady Egemen.kz.
Júrgizýshi «Almaty-Alataý» tas jolymen batys baǵytta kele jatqan. Tuzdybastaý aýylynyń mańynda aldyndaǵy avtokólikti basyp ozý manevrin jasaý kezinde rólge ıe bola almaı, jol jıeginde turǵan 28 jastaǵy áıel men onyń qyzyn qaǵyp ketken.
Jol-kólik oqıǵasy saldarynan Almaty qalasynyń 28 jastaǵy turǵyny men onyń qyzy oqıǵa ornynda qaıtys boldy.
«Júrgizýshige qatysty QR QK 345-baby 4-bóligi boıynsha sotqa deıingi tergep-tekserý bastaldy. Qazir júrgizýshi ustalyp, Talǵar aýdany PB ÝUI-ǵa qamaýǵa alyndy. Qylmystyq isti tergeý barysy men nátıjeleri Polısııa departamenti basshylyǵynyń baqylaýyna alyndy», dep jazylǵan IIM jańalyqtar saıtynda.