Astanalyq aǵaıyndy Kolodalar búgin Azııa chempıonatynan bir kúmis, bir qolamen elge oraldy, dep habarlaıdy Egemen.kz Astana ákimdiginiń resmı saıtyna silteme jasap.
Chempıonattyń júldegerlerin temir jol vokzalynan qalalyq sport basqarmasynyń ókilderi men jaqyndary ystyq yqylaspen kútip aldy.
«Bul jeńisti barsha Qazaqstan halqynyń jetistigi dep bilemin. Barshasyna, ásirese, Astana qalasynyń ákimdigine jáne qalalyq sport basqarmasyna qoldaý jasap júrgeni úshin alǵysymdy aıtqym keledi. Elordalyq sportshylardy qoldap, osylaı kútip alǵanyna rızashylyǵymdy bildiremin», deıdi Azııa chempıonatynyń kúmis júldegeri Anastasııa Koloda.
Aıta keteıik, bıyl 13-16 qazan kúnderi Kýveıt qalasynda 30 memleketten 400-ge jýyq jeńil atlet baq synaǵan bolatyn.
Dúbirli Azııa chempıonatyna elimizdiń barlyq óńirinen 27 sportshy qatysty. Olardyń arasynda elordalyq ápkeli-sińili Kolodalar da bar.
Atap aıtqanda, 400 m kedergiler arqyly júgirgen Anastasııa Koloda kúmis júldeni enshiledi. Al Ekaterına Koloda osy qashyqtyqta 4-orynnan kórindi.
Jarys qorytyndysy boıynsha, Qazaqstan quramasy U18 jasqa deıingi jasóspirimder arasyndaǵy Azııa chempıonatynda el qorjynyna 3 altyn, 3 kúmis, 1 qola medal salyp, jalpy komandalyq esepti besinshi orynmen aıaqtady.