Dúnıejúzilik boks assosıasııasy (WBA) men Halyqaralyq boks federasııasy (IBF) orta salmaqtaǵy osy tujyrymdardyń chempıony Gennadıı Golovkınge osyndaı talap qoıdy. Iаǵnı dańqty jerlesimiz IBF sheshimi boıynsha aldymen kásipqoı boksta esim-soıy kópshilikke belgisiz brazılııalyq Eskıve Falkaomen (30-0, 20 KO) judyryqtasyp, belbeýin qorǵaýy tıis. Eger ony jeńip jatsa, keıinen WBA nusqasy boıynsha álem chempıony ataǵynan úmitker kýbalyq Erıslandı Laramen (29-3-3, 17 KO) qolǵap túıistirýge mindetti.
Osydan bir aı buryn ǵana WBA prezıdenti Hılberto Hesýs Mendosa WBA Super chempıony Golovkın men beldikke mindetti úmitker Laraǵa boks keshin uıymdastyrýǵa 30 kún ýaqyt bergen bolatyn. Taraptar 23 qazanǵa deıin kelissóz júrgizip, jekpe-jek ótkizetinin nemese Golovkınniń beldikten bas tartatyny týraly ortaq mámilege kelýleri tıis edi. Alaıda eki boksshyǵa berilgen ýaqyt aıaqtalmaı jatyp, joq jerden iske Darıl Pıplz aralasa ketti.
Boks týraly jazatyn amerıkalyq BoxingScene basylymynyń málimetinshe, Darıl Pıplz WBA basshylyǵymen kezdesý ótkizip, Golovkındi birinshi Laramen emes, Falkaomen judyryqtastyrýǵa kóndirgen. Sóıtip, eki uıym basshylyǵy Golovkın vs Falkao jubynyń jeńimpazyn Erıslandı Laramen jekpe-jek ótkizýge mindetteýge kelisken. Ázirge úsh boksshynyń úsheýi de bul másele týraly pikir bildirgen joq.
Degenmen mamandar Golovkın IBF belbeýinen jáne brazılııalyq boksshymen jekpe-jek ótkizýden bas tartýy múmkin ekenin aıtyp otyr. О́ıtkeni Falkaonyń isin júrgizetin promoýter Bob Arým (Top Rank) qazaqstandyq boksshy kelisim beretindeı gonorar tóleı almaıdy dep esepteıdi. Muny IBF basshylyǵy da bilip otyr. Sondyqtan IBF eger Golovkın beldikten bas tartatyn bolsa, onda Falkaony orta salmaqtyń reıtınginde ekinshi orynda turǵan aýstralııalyq Maıkl Zerafamen (30-4, 19 KO) kezdestirýdi kózdeıdi.
Boks sarapshylary Golovkın kelesi jekpe-jegin kýbalyq boksshymen ótkizý yqtımaldyǵy joǵary ekenin aıtyp otyr. Jankúıerlerdiń esinde bolsa, osydan 6-7 jyl buryn Lara Golovkınmen jekpe-jek ótkizýge nıetti ekenin bildirgenimen, kelissózge kelgende túrli syltaý aıtyp, otandasymyzben kezdesýden qashyp júrdi. Endi eki boksshyny WBA uıymy judyryqtasýǵa mindettegen soń, qos tarap ta judyryqtasýdan bas tartpaıtyn syńaıly. Onyń ústine Golovkın dál qazirgi jaǵdaıda Laranyń promoýteri El Heımonnyń (Premier Boxing Champions) kez kelgen usynysyn qabyldaı alady. О́ıtkeni jerlesimiz qazir óz bı, ózi qoja. Iаǵnı eshqandaı promoýterlik kompanııamen de, jekpe-jekterin aqyly túrde kórsetetin eshqandaı telearnalarmen de kelisimsharty joq.
Buǵan deıin qarsylas tańdaýda tarshylyq kórmegen Golovkın 40 jasqa kelgende tyǵyryqqa tireldi. Endigi basty suraq – otandasymyz qarsylas tańdaı ma, álde aqshany tańdaı ma? Ras, Gennadıı Falkaoǵa qaraǵanda Laramen judyryqtassa, mol qarjyǵa keneletini jasyryn emes.