Tarazda qarý-jaraq saqtalǵan qoıma tabyldy, dep habarlaıdy Egemen.kz QR IIM resmı ınternet-resýrsyna silteme jasap.
«19 qazanda oblys ortalyǵyndaǵy aýdandardyń birinde ózen jaǵasynan qarý-jaraq pen oq-dári salynǵan qap tabyldy», delingen habarlamada.
Tabylǵan qaptan eki Kalashnıkov avtomaty, FBI8000 gaz tapanshasy, jaryq-shýyldy granata, avtomattyń oqjatarlary, pyshaqty myltyq, polısııa kaskasy, rezeńke taıaq jáne ártúrli kalıbrli 200-ge jýyq patron alyndy.
QR Qylmystyq kodeksiniń 287-baby (qarýdy, oq-dárilerdi, jarylǵysh zattar men jarylǵysh qurylǵylardy zańsyz alý, berý, ótkizý, saqtaý, tasymaldaý nemese alyp júrý) 3-bóligi boıynsha sotqa deıingi tergeý júrgizilip jatyr. Qarýlarǵa sot-balıstıkalyq saraptamasy taǵaıyndaldy.