Elordada qaıyrymdylyq salasyndaǵy úzdik mesenattar men fılantroptar úshin «Jomart júrek» respýblıkalyq syılyǵynyń jeńimpazdaryn marapattaý rásimi ótti, dep habarlaıdy Egemen.kz AQDM baspasóz qyzmetine silteme jasap.
Qazaqstanda qaıyrymdylyq jasaý men ony damytýǵa eleýli úles qosqan qaıyrymdylyq jasaýshylardy yntalandyrý, olarǵa qoǵamnyń nazaryn aýdarý maqsatynda Aqparat jáne qoǵamdyq damý mınıstrligi 2018 jyly «Jomart júrek» syılyǵyn taǵaıyndaǵan bolatyn.
Bıyl konkýrsqa 17 oblys pen respýblıkalyq mańyzy bar qalalardyń ókilderi qatysty.
Konkýrs jeńimpazdary – onlaın-daýys berý qorytyndysy boıynsha halyq tańdaǵan 50 adam «Jyl tulǵasy», «Jyl mesenaty», «Tuǵan ólke», «Jyldyń úzdik uıymy» jáne «Jyldyń úzdik qamqorshysy» dep atalatyn 5 nomınasııa boıynsha anyqtaldy.
«Bizdiń halqymyz qaıyrymdylyqty adamnyń taza nıeti men adamgershilik qarym-qatynasyn beıneleıtin jaqsylyq pen tektiliktiń belgisi dep sanaǵan. Tarıhı turǵydan alǵanda, bizdiń elimizde qıyndyqqa tap bolǵan adamǵa qol ushyn sozý kóptegen ǵasyrdan beri qalyptasqan dástúr», dedi AQDM vıse-mınıstr Danııar Qadyrov.
Barlyq laýreattarǵa estelik syılyqtar men dıplomdar tabys etildi.