Elordanyń halyqaralyq áýejaıynda Ystanbuldan Qazaqstanǵa salmaǵy 28 keliden asatyn 7178 kontrabandalyq zergerlik buıymdardy ákelmek bolǵan azamat ustaldy, dep habarlaıdy Egemen.kz.
«Bul fakt Eýrazııalyq ekonomıkalyq odaqtyń kedendik shekarasy arqyly ótkizýge shektelgen taýarlardy, zattar men qundylyqtardy ótkizý erejelerine qaıshy keledi, olar úshin ótkizýdiń arnaıy erejeleri belgilengen», delingen Astana qalasy boıynsha QMA departamentiniń baspasóz qyzmeti taratqan habarlamada.
Mamandardyń aıtýynsha, deklarasııalanbaǵan «zergerlik buıymdardyń» jalpy kedendik quny 560 mıllıon teńgeden asty. Ekonomıkalyq kontrabanda faktisi boıynsha qylmystyq is sotqa joldandy.