Assambleıa músheleriniń marapaty

Is-sharany asha otyryp, Qazaq­stan halqy Assambleıasy tóraǵa­synyń orynbasary M.Ázil­hanov 1990 jylǵy 25 qazanda Qazaq­stannyń Egemendigi týraly dek­larasııa qabyldanǵanyn atap ótti. Bul mereke memle­ketimizdiń táýelsizdigin alýda­ǵy alǵashqy qadamy boldy. Sodan beri etnomá­denı birlestik­terdiń qyzmeti arqasynda Assamb­leıa aıasynda óz eliniń naǵyz pat­rıot­tarynyń jańa býyny ósip, qalyptasty.

Bul kúni el egemendigin, qoǵam­dyq kelisim men jalpyult­tyq bir­­likti nyǵaıtýǵa, mádenıet­ara­lyq dıalog pen qazaqstandyq pat­rıotızmdi damytýǵa úles qosa­tyn Qazaqstan halqy Assambleıa­synyń músheleri men pikirlesteri marapatqa ıe boldy.

Atap aıtqanda, «Qurmet» ordeni­men «Fılııa» Qazaq­stan­nyń grek qoǵamy qaýymdas­tyǵy­nyń basshysy G.Ior­danıdı, «Bar­bang» kúrdter qaýymdas­tyǵy» basqarmasynyń múshesi R.Mır­­zoev, «Qazaqstan koreıler qa­ýym­dastyǵy» ZTB múshesi S.Ogaı, «Dýstlık» ózbek etno­máde­nı birlestiginiń Aqsaqaldar ke­ńesi­niń tóraǵasy B.Týrdıkýlov marapattaldy.

«Eren eńbegi úshin» meda­limen «Dýslyk» bilim berý mádenı ortalyǵynyń basqarma tóraǵasy Iа.Nızamýtdınova, QHA Kásipkerler qaýymdastyǵynyń múshesi A.Baqytuly marapattaldy.

Qazaqstan halqy Assamb­leıasynyń «Birlik» qoǵamdyq Altyn medalimen Respýblıkalyq tájik etnomádenı ortalyǵynyń múshesi A.Ismaılov, Respýblı­ka­lyq uıǵyr mádenı ortalyq tór­aǵa­synyń orynbasary N.Paltahýnov jáne QHA etno­mádenı ortalyqtary men qoǵam­dyq ınstıtýttarynyń basqa da ókilderi marapattaldy.

Qazaqstan halqy Assambleıa­sy­nyń «Jomart jan» tósbelgisi­men she­­shen jáne ıngýsh halyq­tary­­­nyń má­de­nıetin damytý qaýym­dasty­ǵy­nyń «Vaınah» mú­shesi S.Gaz­dıev, «Iýnchı» dúngen ortaly­ǵy­nyń bas­qar­­ma múshesi Sh.Hahazov marapattaldy.

Sonymen qatar óńirlik Qazaq­stan halqy Assambleıalary men qoǵam­dyq qurylymdardyń birqatar ókili qurmet gramotasymen, alǵys­haty­men jáne Qazaqstan halqy Assamb­leıasynyń tósbelgisimen marapattaldy.