О́negeli kelinder óneri

Baıqaýda ónegeli 8 úmitker tórt kezeń boıynsha synǵa tústi. Qatysýshylar baıqaýdyń birinshi kezeńinde ózderin beınerolık arqyly tanystyrsa, ekinshi kezeńde salt-dástúrge qatysty, otbasylyq ómirmen baılanysty logıkalyq suraqtarǵa jaýap berdi. Baıqaýdyń úshinshi kezeńinde kelin­der óz ónerlerin kórsetti. Biri án salyp bı bılese, endi biri dombyra tartyp, aqyndyq qyrynan tanyldy. Sońǵy kezeń boıynsha qazaqtyń ulttyq taǵamdaryn pisirip, aspazdyq ónerlerin ortaǵa saldy.

Baıqaýda etnograf-ǵalym, folklorshy, qazaqy dúnıetanymǵa baılanysty kóptegen kitaptyń avtory Bolat Bopaıuly, Darıǵa Altaı, otbasy jáne balalar psıhology, tájirıbeli psıhoterapevt Sálıma Satylǵanqyzy, «Anaǵa qurmet» murajaıynyń basshysy Arshagúl Toıbaeva qazylyq etti.

«Baqytty otbasy» áleýmettik ortalyǵynyń je­tekshisi Tolqyn Sámetova osyndaı ıgi is-sharanyń keń kólemde ótkizilip jatqanyna rızashyly­ǵyn aıtyp, «Jahandaný ǵasyrynda umytylyp bara jatqan salt-dástúrlerimizdi jańa zamanmen sáıkestendirip, túpki maǵynasyn joǵalt­paı, jańashalap, jańa dem berýimiz kerek. Búgingi is-shara da osyndaı maqsatpen uıymdastyrylǵan bolatyn. Bizdiń oıymyzsha, tárbıelik máni bar is-sharalar elimizdiń barlyq óńirinde jıi ótip tursa ıgi» dep atap ótti. Sonymen birge osy sharany ót­ki­zýge atsalysqan aýdan basshylyǵy men mektep-gımnazııanyń ujymyna alǵys bildirdi.

Baıqaý qorytyndysy boıynsha Almaty oblysynan Altynaı Hodjaeva, Aıaýjan Sadýaqasova, Jambyl aýdanynan Qymbat Slambaı, Mańǵystaý oblysy Aqtaý qalasynan Núrııa Sanazarova, Qaraǵandy oblysynan Anara Ahmetova, Aqtóbe qalasynan Farıza Tólebaeva, Qyzylorda oblysynan Perızat Bakırova, Jańaqorǵan aýdanynan Raýan Qalmanova «Isker kelin», «Ibaly kelin», «Aqyn kelin», «Tálimger kelin», «Qonaqjaı kelin», «Aıaýly kelin», «Besaspap sheber kelin», «О́nerpaz kelin» nomınasııalarynda jeńimpaz atanyp, aldy 7 bala tárbıelep otyrǵan analar baǵaly syılyqtarǵa ıe boldy.

ALMATY