Bıznesmen Poroshenko – Ýkraına prezıdenti

Sharaına

Ýkraınadaǵy ýchaskelik saılaý komıssııalary 25 mamyr kúni ótken kezekten tys el prezıdentin saılaý boıynsha daýystardy eseptep shyǵardy. Bul týraly Ýkraına Ortalyq saılaý komıssııasynyń tóraǵasy Mıhaıl Ohendovskıı habarlady. Saılaýshylardyń daýystaryn sanaý barlyq saılaý ýchaskelerinde aıaqtaldy, dedi OSK tóraǵasy. Onyń sózine qaraǵanda, ýchaskelik saılaý komıssııalaryndaǵy barlyq hattamalar mazmuny týraly aqparattar okrýgtik saılaý komıssııalary olardyń durystyǵyn tekserip bitkenshe qoljetimsiz bolatyny túsinikti. Osydan keıin-aq derekter «Saılaý» júıesine engiziledi eken. Sońǵy málimet boıynsha, OSK hattamalardyń 60,15 paıyzyn qarap bolǵan. Bıznesmen Petr Poroshenko 53,72 paıyz daýyspen jeke-dara kósh bastap tur.       Taılandtaǵy áskerı tóńkeris 22 mamyrda Taılandta koroldik armııasynyń qolbasshysy general Praıýt Chan-Ochanyń tikeleı basshylyǵymen áskerı tóńkeris júzege asyrylǵany belgili. Buǵan sheti-shegi joq saıası daǵdarys pen úkimetke qarsy jáne ony jaqtaýshy demonstranttardyń kelisimge kelý múmkindigi joqtyǵy sebep boldy. Chan-Ocha elde beıbitshilik pen tártipti ustap turý úshin ózi qurǵan ulttyq keńeske basshylyqty qolyna alsa, sál keıinirek áskerı úkimettiń premer-mınıstri oryntaǵyna da ıelik ete bastady. Áskerı tóńkeris saldarynan komendanttyq saǵat pen BAQ-qa senzýra engizilip, konstıtýsııanyń is-áreketi toqtatyldy jáne eldiń kórnekti saıası qaıratkerleri tutqyndaldy. Narazylyq bildirýshilerdiń lagerleri qýylyp, parlamenttiń joǵarǵy palatasy – Senat taratyldy. Premer-mınıstr Chınavattyń qaıda júrgeni belgisiz. Obamamen kezdesýden bas tartty AQSh prezıdenti Barak Obama Aýǵanstanǵa kútpegen sapar jasaǵan edi. Ol óziniń aýǵandyq áriptesi Hamıd Karzaımen Bagramdaǵy avıabazada kezdespek nıet tanytqan-tyn. Alaıda Karzaı Kabýldan Bagramǵa kelýden bas tartqan.  Bul aqparatty «Frans-Press» agenttigi taratty. Amerıka ákimshiligi men Aýǵanstannyń merzimi aıaqtalyp, ketip bara jatqan prezıdenti Karzaı arasyndaǵy qarym-qatynas onyń qaýipsizdik týraly eki jaqty kelisimge qol qoıýdan bas tartqanynan keıin kúrdelenip ketkeni belgili. Al kelisimge qol qoıylǵan jaǵdaıda AQSh óziniń 2014 jyldyń aıaǵyna josparlanǵan negizgi kontıngentin shyǵarǵannan keıin osyndaǵy áskerı qatysýyn saqtap qalýǵa múmkindik alatyn edi. Degenmen, Obama «nómiri birinshi borttan» Karzaıǵa telefon arqyly habarlasyp, pikir alysqan kórinedi. 14 maýsym kúni Aýǵanstanda ótetin saılaýdyń ekinshi týrynda prezıdent laýazymy úshin burynǵy syrtqy ister mınıstri Abdýlla Abdýlla men burynǵy qarjy mınıstri Ashraf Ǵanı Ahmadzaı talasatyn bolady. Voıseh Iаrýzelskıı ómirden ótti 25 mamyr kúni Polshanyń sońǵy kommýnıstik kóshbasshysy Voıseh Iаrýzelskıı qaıtys boldy. Osy aıdyń basynda ol ınsýlt alsa kerek. Sodan beri óz-ózine kele almapty. Bul týraly «Frans-Press» agenttigi aqparat taratty. Aldaǵy 6 shildede Iаrýzelskıı 91-ge tolatyn edi. Ol 1980-shi jyldardyń basynda Shyǵys Eýropanyń sosıalıstik elderine basshylyq jasaǵandardyń ishinde tiri qalǵan sońǵy adam bolatyn. Iаrýzelskıı 1985 – 1989 jyldary Polsha Halyq Respýblıkasy memlekettik keńesiniń tóraǵasy qyzmetin atqardy. Bul eldegi eń joǵary laýazym bolatyn. 1989 jyly Polsha Respýblıkasynyń prezıdenti bolyp saılandy. 1990 jyly saıası sahnadan ketip, bılikti saılanǵan prezıdent Leh Valensaǵa tapsyrǵan edi. V.Iаrýzelskıı kezinde elde jazaǵa da tartylmaq bolǵan. Biraq onyń elge istegeni artylǵan kinádan salmaqtyraq delinip, jaza qoldanylmaǵan-tyn. Táýelsizdik partııasy kósh basynda Jalpyeýropalyq saılaýda Birikken koroldiktiń táýelsizdik partııasy kósh basynda keledi. Daýys berýdiń aralyq qorytyndylaryna sáıkes, barlyq óńirlerdiń tórtten úshinde atalǵan partııa 29 paıyz jınaǵan. Al bıleýshi konservatorlar partııasy 29 paıyzben ekinshi orynda keledi. Eýroskeptıkterdiń serkesi Naıdjel Faradj bul jolǵy saılaýdy qazirdiń ózinde Brıtanııa saıasatynda sońǵy júz jyldaǵy eń erekshe saılaý dep atady. О́ıtkeni, táýelsizdik partııasy Eýroparlamentte ótken jylǵyǵa qaraǵanda 9 oryndy artyq alyp, mandattarynyń sanyn 22-ge jetkizdi. Premer-mınıstr Devıd Kemeronnyń konservatorlar partııasy 16-orynǵa ıe boldy. Al negizgi oppozısııalyq partııa – leıborıster 14-oryndy qanaǵat tutty. Faradjdyń pikirinshe, eýroskeptıkterdiń jer-jerlerdegi tabystary kári qurlyqtaǵy odan arǵy ıntegrasııa máselesin tuıyqqa tireı túspek. Qysqa qaıyryp aıtqanda:  *Eýroparlamenttiń jańa quramynda kópshilik oryn Eýropa halyqtyq partııasyna (212 mandat) tıetin boldy. 2009 jyly ótken saılaýǵa qaraǵanda bul nasharlaý kórsetkish. Sol joly EHP 274 mandatqa ıe bolǵan edi. Biraq, EHP-nyń shebi áli de myqty deýge negiz bar. Úndistandaǵy temir jol apatynan kem degende 20 adam qaza tapty. Oqıǵa Ýttar-Pradesh shtatyndaǵy Halılabad qalasyna jaqyn mańda oryn aldy. Júrdek poıyz júk poıyzy júrip kele jatqan jolǵa shyǵyp ketip, eki poıyz soqtyǵysqan. Saldarynan 6 jolaýshy vagony aýdarylyp qalǵan.  *Reseı-Qytaı áskerıleriniń jattyǵýlary aıaqtaldy. Ol «Teńizdegi ózara is-qımyl-14» dep ataldy. Onyń alǵashqysy 2012 jyldyń sáýirinde Sary teńizde uıymdastyrylsa, ekinshisi byltyr Japon teńizinde ótken edi. Jattyǵýlarǵa kóptegen korablder men súńgýir qaıyqtar, ushaqtar men tikushaqtar qatystyrylyp keledi. Zabaıkale ushqyshtary jyl sońyna deıin Sý-30SM dep atalatyn kópmaqsatty joıǵysh ushaqtardyń jańa partııasyn alatyn boldy. Zabaıkale Reseıdiń Shyǵys áskerı okrýgine jatady. Atalǵan okrýgke bıyl 10 ushaq jetkiziletin bolsa, kelisimshart jasalǵan olardyń jalpy sany 30-dy quraıdy.  Internet materıaldary negizinde ázirlendi.