Syrtqy ister mınıstri Erlan Ydyrysov Saýd Arabııasy Aýyl sharýashylyǵy mınıstriniń orynbasary Ýalıd ben Abdýl Karım Ál-Harıdjı jáne Memlekettik aýylsharýashylyq uıymynyń basshysy Halıd ben Muhammad Ál-Fahıdpen kezdesti.
Suhbattasýshylar ekijaqty qatynastardyń qazirgi jaǵdaıy men bolashaǵyn, onyń ishinde saýda jáne ınvestısııa, energetıka jáne aýylsharýashylyq salalaryndaǵy yntymaqtastyqty talqylady.
QR SIM basshysy eki el arasyndaǵy yntymaqtastyqtyń óte joǵary deńgeıde ekendigin, buǵan eki memleket basshylarynyń arasynda ornaǵan myqty dostyq jáne senimge negizdelgen qatynastar sebep ekenin atap ótti.
E.Ydyrysov suhbattasýshylardy Qazaqstannyń ýran óndirý salasyndaǵy álemdik kóshbasshylyǵyn eskere otyryp, atom energetıkasy salasynda yqpaldasýǵa shaqyrdy. Sonymen qatar, ol arab tarapyn qazaqstandyq bıdaıdy satyp alý múmkindigin qarastyrýǵa jáne elimizdiń ınnovasııalyq jobalaryna qatysýǵa shaqyrdy.
Saýd Arabııasynyń ókilderi Qazaqstanmen jan-jaqty yntymaqtastyqty tereńdete túsýdiń mańyzdylyǵyn alǵa tartyp, aýylsharýashylyq salasyndaǵy qatynastarǵa úlken qyzyǵýshylyq bildirdi.
Kezdesý sońynda E.Ydyrysov arab meımandaryna Saýd Arabııasy Qazaqstannyń syrtqy saıası bastamalaryn qoldaǵany úshin, elimizdiń bas qalasy – Astananyń kórkeıýine qosqan zor úlesi úshin alǵysyn bildirip, baýyrlas eldiń halqyna odan ári gúldený men ál-aýqattylyq tiledi.
«Egemen-aqparat».