Qarjy naryǵyn retteý jáne damytý agenttigi Qazaqstandaǵy qarjy kompanııalarynan IT salasyndaǵy qyzmetkerlerdiń keminde 5 paıyzyn sertıfıkattaýdy talap etedi, dep habarlaıdy Egemen.kz.
«О́zgerister aqparattyq qaýipsizdik bólimsheleri personalynyń keminde 5%-yn mindetti beıindik sertıfıkattaýdy qamtamasyz etý bóliginde qarjy uıymdarynyń aqparattyq qaýipsizdik bólimsheleri basshylary men qyzmetkerleriniń quzyretterine qoıylatyn talaptardy kúsheıtýdi kózdeıdi», dep habarlady QR Qarjy naryǵyn retteý agenttigi.
Aqparatqa sáıkes, sertıfıkattaý ISO/IEC 17024:2012 Halyqaralyq standartyna nemese ISO/IEC 17024-2014 Memleketaralyq standartyna sáıkes júzege asyrylýy kerek. Bul standarttardy personaldy sertıfıkattaýdy júzege asyratyn uıymdar - sertıfıkattaý prosesteriniń táýelsizdigin, ashyqtyǵy men senimdiligin rastaý úshin keńinen qoldanady.
Tolyq mátinmen Agenttiktiń ınternet-portalynda nemese Ádilet aqparattyq-quqyqtyq júıesinde tanysýǵa bolady.