Shyǵys Qazaqstan oblysynda jeńil kólik pen janar-jaǵarmaı tasıtyn kólik bir-birine soǵyldy, dep habarlaıdy Egemen.kz.
«2 qarasha kúni saǵat 07:15 shamasynda «О́skemen-Rahmanovskıe Klıýchı» tas jolynyń 16-shaqyrymynda, Glýbokovskıı aýdanynda «Lada Granta» kóliginiń 48 jastaǵy júrgizýshisi qarsy jolaqqa shyǵyp ketip, qarsy baǵytta kele jatqan júk kóligimen soqtyǵysqan. Apat saldarynan Lada Granta júrgizýshisi alǵan jaraqattarynan oqıǵa ornynda qaza tapty», dep habarlady polısııa qyzmetkerleri.
Atalǵan fakti boıynsha sotqa deıingi tergeý amaldary bastaldy. Birqatar sot-medısınalyq saraptamalar taǵaıyndaldy, onyń qorytyndysy boıynsha prosessýaldyq sheshim qabyldanady.