Respýblıka oqýshylary arasynda olımpıadalyq rýhty qalyptastyrý men matematıkany nasıhattaýǵa arnalǵan Almaty Maths Battles týrnıri óz máresine jetti.
Almaty mektepteriniń oqýshylary bastamashy bolǵan Almaty Maths Battles olımpıadalyq týrnıriniń alǵashqy kezeńi bıylǵy jyldyń mamyr aıynda Respýblıkalyq fızıka matematıka mektebinde ótken bolatyn. Týrnırge Astana, Túrkistan, Almaty jáne basqa qalalardan júzden astam oqýshy qatysyp, 24-i júldeger atandy. Olardyń qatarynda RFMM jeńimpaz dep tanylsa, II jáne III oryndy elordalyq BIL jáne NURORDA mektepteriniń komandalary ıelendi.
Kóktemgi týrnır kúzgi kezeńge tyń serpin berip, osy alty aı ishinde týrnırdiń tanymaldylyǵy artty deýge negiz bar. Almaty Maths battles qazylar alqasynyń tóraǵasy, IMO (International Mathematical Olympiad) kúmis júldegeri Mıron Iýrkevıch qazaqstandyq oqýshylardyń joǵary olımpıadalyq kórsetkeshterge jetetinine senim bildirip, respýblıka oqýshylary úshin jańa múmkindikter ashatyn týrnırdiń formaty keńeıip keledi, dep atap ótti.
Ekinshi týrnırge qatysýǵa talaptanǵan oqýshylar da kóp boldy, ınvestorlar tarapynan da qyzyǵýshylyq artyp, týrnırdiń júlde qory 1,7 mln teńgeden asty. Kóktemgi týrnırden aıyrmashylyǵy, qatysýshylar joǵary (9-10 synyptar) jáne tómengi (7-8 synyptar) komanda bolyp eki lıgaǵa bólindi. Osylaısha, kúzgi týrnırge Qazaqstannyń túkpir-túkpirinen 100-den astam daryndy balalar qatysyp, aqshalaı syılyqqa, kýbok, medal, oqý materıaldary men Qurmet gramotalaryna ıe boldy. Eki lıga boıynsha barlyǵy 16 komanda marapattaldy. Astana qalasynyń daryndy jastaryna arnalǵan «Bilim-Innovasııa» lıseı-ınternatynyń oqýshylary, joǵary jáne lıgada da týrnırdiń jeńimpazy atandy. Ekinshi oryndy BIL Atyraý komandasy jáne Almaty RFMM jáne fızıka-matematıka baǵytyndaǵy NZM quramasy ıelendi. Al qalǵan aqshalaı syılyqtardy Almaty RFMM komandalary ózara bólisti.
Jobanyń negizgi bastamashylary Almaty RFMM, HaileyBury Almaty jáne Miras International School oqýshylary - Isataı Jaqsykeldınov (Miras International School), Gleb Patyrın (Haileybury Almaty) jáne Nazar Berkimbaı (RFMM). Týrnırdiń qazylar alqasynyń quramynda matematıkadan halyqaralyq jáne respýblıkalyq olımpıadalardyń jeńimpazdary men júldegerleri bar. Týrnırdiń barynsha ádil ári nátıjeli bolýy basty nazarda. Uıymdastyrýshylar atap ótkendeı, alǵashynda týrnırdi bastaý da ońaıǵa soqqan joq. Týrnır kúni búginge deıin jumys istep kele jatqan matematıka áýesqoılarynyń RFMM klýbynda MathClub qurýdan bastaldy. Dál osy klýb aıasynda 7-9-synyp oqýshylary arasynda matematıkalyq jekpe-jek ótti. Mundaı formattaǵy jarys oqýshylardy jigerlendirip, nátıjesinde Almaty Maths Battles týrnırin ótkizýge sheshim qabyldandy. Sheteldik matematıka muǵalimderiniń de qyzyǵýshylyǵyn arttyryp otyrǵan Almaty Maths Battles týrnıri búginde HaileyBury Almaty, Sh.Ýalıhanov atyndaǵy mektepterimen jáne American Space kommersııalyq emes uıymymen yntymaqtastyqqa qol jetkizgen.
ALMATY