Memleket basshysy «ArselorMıttal Temirtaý» AQ shahtasynda qaza tapqan jumysshylardyń otbasylaryna kóńil aıtty, dep habarlaıdy Egemen.kz Aqordanyń resmı paraqshasyna silteme jasap.
Qasym-Jomart Toqaev Qaraǵandy oblysynyń Shahtınsk qalasyndaǵy «ArselorMıttal Temirtaý» AQ shahtasynda bolǵan apat saldarynan qaza tapqan jumysshylardyń otbasylary men jaqyndaryna kóńil aıtý jedelhatyn joldady.
- «ArselorMıttal Temirtaý» aksıonerlik qoǵamynyń shahtasynda bolǵan apat saldarynan qaza tapqan jumysshylardyń otbasylary men jaqyndarynyń qaıǵysyna ortaqtasyp, kóńil aıtamyn. Zardap shekken azamattardyń tezirek saýyǵyp ketýine tilektestik bildiremin. Úkimetke jáne Qaraǵandy oblysynyń ákimine apat sebepterin anyqtaý úshin shuǵyl sharalar qabyldaýdy jáne qaıtys bolǵan jáne zardap shekken azamattardyń otbasylaryna tıisti kómek kórsetýdi tapsyrdym, - dep jazylǵan jedelhatta.
Eske sala ketsek, búgin Qaraǵandy oblysyndaǵy shahtada gaz jarylyp, tórt adam qaza tapty. Polısııa «Taý-ken nemese qurylys jumystaryn júrgizý kezinde qaýipsizdik erejelerin buzý» baby boıynsha tergeý jumystaryn bastady.