Azamattyq avıasııa komıteti reıster sanyn odan ári ulǵaıtý boıynsha is-sharalar keshenin júrgizýde, dep habarlaıdy Egemen.kz.
2023 jyldyń 3 qańtarynan bastap «Qatar Airways» katarlyq avıakompanııasy Almaty jáne Doha qalalary arasynda oryndalatyn turaqty jolaýshylar reısteriniń sanyn aptasyna 4-ten 7-ge deıin arttyrýdy josparlap otyr. Endi eki el arasynda áýe qatynasy kúndelikti júrgizilip otyrady.
Sonymen qatar, «Qatar Airways» áýekompanııasy 2023 jyldyń kóktemgi-jazǵy kezeńinde Qazaqstan men Katar astanalary – Astana men Doha arasynda ushýlardy josparlap otyr.
«Reısterdi ulǵaıtý jáne ushý geografııasyn keńeıtý Qazaqstan men Katar arasyndaǵy saýda-ekonomıkalyq, iskerlik, ınvestısııalyq jáne týrıstik yntymaqtastyqty odan ári damytýǵa yqpal etetin bolady», delingen QR IIDM baspasóz qyzmeti taratqan habarlamada.