Fýtboldan bıylǵy Chempıondar lıgasynyń toptyq kezeńi máresine jetip, pleı-off básekesine shyqqan úzdik 16 ujym belgili boldy.
Toptyq kezeńniń sońǵy týrynda Italııanyń «Mılany» men Germanııanyń «Leıpsıgi» aqyrǵy eki joldamany qorjyndaryna saldy. Altynshy týrda «Mılan» óz alańynda «Zalsbýrgti» 4:0 esebimen tize búktirip, 10 upaımen «E» tobynda ekinshi oryn alsa, «Leıpsıg» beıtarap alańda Ýkraınanyń «Shahterin» 4:1 esebimen jeńip, kelesi kezeńge shyqty.
Osylaısha, Chempıondar lıgasynyń 1/8 fınalynda Italııanyń «Mılan», «Inter», «Napolı», Anglııanyń «Lıverpýl», «Tottenhem», «Chelsı», «Manchester Sıtı», Germanııanyń «Bavarııa», «Aıntraht», «Borýssııa D», «Leıpsıg», Portýgalııanyń «Portý», «Benfıka», Belgııanyń «Brıýgge», Ispanııanyń «Real» jáne Fransııanyń PSJ komandalary oınaıdy.
Pleı-off kezeńiniń jerebesi 7 qarashada tartylady.