Italııanyń ońtústigindegi Fodjııa qalasyna jaqyn jerde tikushaq apatqa ushyrap, Slovenııadan kelgen alty týrıst qaıtys boldy, olardyń barlyǵy bir otbasy músheleri, onyń ishinde 13 jastaǵy qyz bar, dep habarlaıdy Egemen.kz.
Il Messaggero gazetiniń habarlaýynsha, ushqysh pen jergilikti dáriger de qaıtys bolǵan.
Tikushaq ońtústiktegi Apýlııa aımaǵynyń jaǵalaýyndaǵy Tremıtı araldarynan kóterildi. Týrıster ol jerge bir kún buryn kelip, aýa raıynyń qolaısyzdyǵynan sol kúni qaıtyp kele almaǵan. Ushaq bir táýlikke keshikti. Teńizdiń tolqyndylyǵyna baılanysty araldaǵy aýrýhanada aýysymyn aıaqtap, úıine oralǵan dáriger áýe kóligine otyrǵan edi.
Tremıtı aımaǵynda naızaǵaı bolǵan kórinedi. Qazir apattyń sebepteri anyqtalýda.