Prezıdenttikke kandıdat Jıgýlı Daırabaev ózi bilim alǵan Qazaq ulttyq agrarlyq zertteý ýnıversıtetiniń stýdentteri, oqytýshylary jáne qyzmetkerlerimen, sondaı-aq kýrstastarymen kezdesti. Kezdesý barysynda úmitker jınalǵan qaýymdy óziniń saılaýaldy baǵdarlamasymen tanystyryp, «Aýyl» partııasy qyzmetiniń negizgi baǵyttary týraly aıtyp berdi.
Álemniń jetekshi agrarlyq derjavalarynyń tájirıbesi aýyl sharýashylyǵyn tabysty damytý tek ǵylym, bilim, óndiristiń ıntegrasııasy negizinde ǵana múmkin ekendigin dáleldedi.
«Qazaqstanda agrarlyq ǵylym, bul salada myqty ǵalymdar bar ekendigin aıtý kerek. О́kinishke qaraı, olardyń ǵylymı-zertteý qyzmetiniń sapaly nátıjeleri agrarlyq óndiriske jetpeıdi. Iske asyrý júıesi jumys istemeıdi. Fermerlerge jańa tehnologııalar men tuqymdar týraly bilim berý ortalyqtaryn qurýǵa erekshe nazar aýdara otyryp, osy baǵytta túbegeıli ózgerister jasaý qajet. Naqty jumys isteıtin ǵalymdar laıyqty jalaqy alýy úshin agrarlyq ǵylymdy qarjylandyrý júıesin ózgertý mańyzdy. Ǵylymı zertteýlerdi qarjylandyratyn agroqurylymdardy yntalandyrý máseleleri boıynsha zańnamadaǵy ózgeristerdi sońyna deıin jetkizý qajet. Ǵylymı-zertteý ınstıtýttaryn qarjylandyrý keshendi jáne júıeli bolǵany abzal. Ǵylymı mekemeler jumysyn toqtatýǵa ruqsat beretin sheneýnikter jaýapkershilikke tartylýǵa tıis», dedi Jıgýlı Daırabaev.