«Suleimen Promotions» kompanııasynyń ujymy boksshy Aıdos Erbosynulynyń jaǵdaıy men densaýlyǵyn baqylaýǵa aldy, dep habarlaıdy Egemen.kz.
«Ol - biz úshin kásipqoı bokstaǵy myqtylardyń biri. Qazir Aıdos Mıneapolıs qalasyndaǵy úzdik klınıkalardyń birine jatqyzyldy. Dárigerlerdiń sózinshe, jaǵdaıy birqalypty. Biz onyń densaýlyǵy jaqsaratynyna senimdimiz», – dep jazylǵan «Suleimen Promotions» taratqan habarlamada.
Aqparatta sportshynyń emine jumsalatyn barlyq shyǵyndardy uıymdastyrýshy kompanııa óz moınyna alǵany aıtylǵan.
«Sondaı-aq Aıdostyń jaýyngerlik rýhyn kóterý maqsatynda jáne ózin jaqsyraq sezinýi úshin Qazaqstandaǵy jaqyndaryn AQSh-qa aldyrtý jumystary júrgizilip jatyr. Árıne, sporttyń qaı túrinde de, sonyń ishinde kásipqoı boksta jaraqat alý qaýpi kóp. Alaıda biz Aıdos Erbosynulynyń densaýlyǵyn jaqsartý úshin barlyq kómekti kórsetetemiz», – delingen kompanııa taratqan jazbada.