Kelesi oqý jylynan bastap 5-8 jáne 10-synyp oqýshylary qazaq tilinen emtıhan tapsyrady, dep habarlaıdy Egemen.kz Oqý-aǵartý mınıstrliginiń baspasóz qyzmetine silteme jasap.
«Qazaq tili» páninen emtıhandy 5-8, 10-synyp oqýshylary tapsyrady. Mundaı ózgerister kelesi (2023-2024) oqý jylynan bastap engiziledi. Buǵan deıin qazaq tilinen emtıhandy tek 9 jáne 11-synyp oqýshylary ǵana tapsyratyn. Olar da osy pánnen emtıhan tapsyrýdy jalǵastyrady», dep jazdy baspasóz qyzmeti.
Buǵan deıin bul usynys qazaq tili muǵalimderiniń sezinde jáne Oqý-aǵartý mınıstriniń qatysýymen ótken muǵalimder qaýymdastyǵy ókilderiniń kezdesýinde aıtylǵan edi.
Qazaq tilinen emtıhan jazbasha jáne aýyzsha túrde ótedi. Tyńdaý, aıtý, oqý jáne jazý sııaqty daǵdylar baǵalanady. Emtıhan tapsyrmalaryn oqytýshylar akademııalyq adaldyq qaǵıdattaryn saqtaı otyryp ózderi qurastyrady.
Pán boıynsha qorytyndy baǵa 5-8, 10-synyptarda emtıhan jáne jyldyq baǵalaý qorytyndylary boıynsha qoıylady.