Keshe Oral qalasynyń janarmaı quıý beketterinde kezek paıda bolǵany baıqaldy. Tipti, keıbir beketterde gaz tek talondar boıynsha shyǵarylady, dep habarlaıdy Egemen.kz.
«2 qarashadaǵy jaǵdaı boıynsha gaz toltyrý stansııalaryndaǵy qaldyqtar 180 tonnany quraıdy. Bekitilgen jospar sheńberinde oblystyń ishki naryǵyna suıytylǵan munaı gazyn jetkizý 3438 tonnany quraıdy. Alaıda, 26 qazanda «AMО́Z» JShS Energetıka mınıstrligin qarasha aıynda gaz óndirisin tómendetý josparlanyp otyrǵany týraly habardar etken. Osyǵan baılanysty túpkilikti satyp alýshylar úshin jetkizý jospary sheńberindegi kólem 35%-ǵa birkelki tómendeıtin bolady», dep túsindirdi BQO energetıka jáne TKSh basqarmasynyń basshysy Mırjan Nurtazıev.
Qarasha aıynda BQO-ǵa 2235 tonna jetkizý josparlanýda.
«8 qarashada «AMО́Z» JShS 7-14 qarasha aralyǵynda tehnologııalyq qondyrǵylarǵa jóndeý júrgiziletini týraly habardar etti», dep qosty M. Nurtazıev.
Onyń aıtýynsha, Energetıka mınıstrligi «SNPS-Aqtóbemunaıgaz» AQ-men birlesip, 504 tonna kóleminde qosymsha gaz bóldi.
Osyǵan uqsas jaǵdaı buryn Atyraý janarmaı quıý beketterinde de baıqalǵan edi.