Túrkistan oblysynyń polıseıleri Subaru kóligin toqtatyp, júrgizýshiden 20 keliden astam marıhýana esirtki zatyn tárkiledi, dep habarlaıdy Egemen.kz.
Túrkistan oblysy PD esirtki qylmysyna qarsy is-qımyl basqarmasynyń qyzmetkerleri men Túlkibas О́KP jáne patrýldik polısııa batalonynyń polıseıleri «Batys Qytaı-Batys Eýropa» avtojolynda Subaru kóligin toqtatty.
«Kólikti tintý kezinde jedel ýákilder ósimdik tektes zat salynǵan tórt qap pen temeki qorabyn tapty. Kóliktiń júrgizýshisi buryn Túlkibas aýdanynyń sottalǵan turǵyny bolyp shyqty. Kúdiktiden alynǵan zattaı dáleldemeler saraptamaǵa jiberildi», delingen Túrkistan oblysy PD baspasóz qyzmeti taratqan habarlamada.
Bul fakt QR QK 296-baby, 4-bóligi «О́tkizý maqsatynsyz esirtki, psıhotroptyq zattarmen, olardyń analogtarymen zańsyz jumys isteý» boıynsha tirkelgen. Kúdikti qamaýǵa alyndy.