Basketboldan 2023 jylǵy Álem kýboginiń ekinshi irikteý kezeńinde baq synap jatqan Qazaqstan quramasy kezekti oıynyn elordada ótkizip, Japonııadan jeńilip qaldy.
Qazaqstan men Japonııa quramalary buǵan deıin bir-birimen tórt ret kezdesip, tórteýinde de Kúnshyǵys eli ókilderiniń mereıi ústem bolǵan edi. Dúısenbide ótken eki el arasyndaǵy besinshi matchta da Japonııa quramasy jerlesterimizden aılasyn asyryp ketti. Birinshi kezeńde Qazaqstan basketbolshylary qarsylastaryna azdaǵan basymdyqpen jol berse (14:16), ekinshi on mınýttyqta baqandaı 16 upaıǵa qalyp qoıdy.
Al úshinshi jáne tórtinshi kezeńderde Qazaqstan quramasy upaı oljalaýdy qoıdy. Otandastarymyz úshinshi kezeńde 27 upaı aıyrmashylyǵymen jeńilse, sońǵy shırekte Japonııa basymdyǵyn 30 upaıǵa deıin arttyrdy. Qorytyndy esep – 81:61. Qazaqstan quramasy bul jeńilisten keıin F tobynyń týrnır kestesinde 5-orynǵa túsip qaldy.