Búgin Qyzylorda-Pavlodar avtojolynyń 722 shaqyrymynda shaǵyn avtobýstyń júrgizýshisi rýldi basqara almaı, jol-kólik oqıǵasy oryn aldy, dep jazady Egemen.kz.
Aýdarylǵan kólikte 19 jolaýshy bolǵan. TJD habarlaýynsha, úsh adam zardap shegipti.
Oqıǵa týraly dabyl Jańaarqa aýdany TJB Ulytaý oblysynyń «Aqtúbek» trassalyq medısınalyq-qutqarý pýnktiniń dıspetcherine kelip túsken. Jol apaty oryn alǵan orynǵa dereý arnaıy reanımobılmen jol boıyndaǵy pýnkt mamandarynyń brıgadasy baryp, brıgada zardap shekken 3 adamǵa kómek kórsetti. Qazir zardap shekken bir adam ortasha dárejedegi jaraqattarmen Jańaarqa aýdanynyń ortalyq aýdandyq aýrýhanasyna jatqyzyldy.
Esterińizge sala keteıik, Qazaqstanda apattyq-qaýipti jol ýchaskelerde TJM bólimshesi – 40 trassalyq medısınalyq-qutqarý pýnkti qyzmet kórsetedi.