Astanada áleýmettik nysandardy turǵyzý maqsatynda 420-dan astam jer ýchaskesi belgilendi, dep habarlaıdy Egemen.kz qala ákimdiginiń resmı saıtyna silteme jasap.
Atap aıtqanda, elordada mektep salý úshin – 158 ýchaske, balabaqshalar úshin – 185, medısınalyq ortalyqtar úshin – 78 ýchaske belgilendi. Medısınalyq ortalyqtardyń sany jańa turǵyn úı kesheniniń birinshi qabattarynda ashylatyn medısınalyq mekemelersiz kórsetilgen. Qala ákimdiginen habarlaǵandaı, áleýmettik nysandardy salý úshin jer ýchaskeleriniń sany jyl saıyn ulǵaıady.
Qazirgi ýaqytta elorda turǵyndarynyń qatysýymen 2035 jylǵa deıingi Qalanyń bas josparynyń jobasy talqylanýda. Bas josparda bolashaq áleýmettik nysandar qaıda salynatyny kórsetilgen.
Aıta ketsek, joba aıasynda qalany damytý, halyq sany, áleýmettik nysandar salý, kólik ınfraqurylymyn perspektıvaly damytý, 2035 jylǵa deıin keıbir nysandardy buzý máseleleri zerdelendi.
Astananyń Bas josparynyń jobasyn talqylaý 2022 jylǵy 15-18 qarasha aralyǵynda «Astana bas jospary» ǴZJI» JShS ǵımaratynda, Astana q., A.Mambetov kóshesi, 22-kórme zaly meken-jaıynda ótedi.