Qazaqstan Respýblıkasy Prezıdentiniń janyndaǵy Memlekettik basqarý akademııasy rektorynyń buıryǵymen Alekseı Volkov Dıplomatııa ınstıtýtynyń dırektory bolyp taǵaıyndaldy, dep jazady Egemen.kz.
Alekseı Volkov ár jyldary QR Syrtqy ister mınıstrliginde jáne QR Prezıdenti Ákimshiliginde jumys istegen. Ol keńesshi-ýákil, Jeneva qalasyndaǵy BUU bólimshesi jáne basqa da halyqaralyq uıymdar janyndaǵy Qazaqstan Respýblıkasy Turaqty ókiliniń orynbasary, Qazaqstan Respýblıkasy Prezıdentiniń kómekshisi hatshylyǵynyń meńgerýshisi, Qazaqstan Respýblıkasy Prezıdenti keńsesiniń memlekettik ınspektory, QR Syrtqy ister mınıstriniń orynbasary, Qazaqstan Respýblıkasynyń Polshadaǵy jáne Grek Respýblıkasyndaǵy Tótenshe jáne О́kiletti Elshisi bolyp qyzmet atqardy.
QR Prezıdentiniń Jarlyǵymen oǵan Tótenshe jáne О́kiletti Elshi dıplomatııalyq dárejesi berilgen.
Rektor Erlan Ábil dırektordy Akademııa ujymyna tanystyryp, memlekettik qyzmetshilerdi daıarlaý jáne olardyń biliktiligin arttyrý, qoldanbaly zertteýler júrgizý bóliginde Dıplomatııa ınstıtýtyn damytý boıynsha birqatar mindetter qoıdy.