Kelesi qarsylas – Polsha

Qazaqstan tennıs federasııa­sy úshin bıylǵy maýsym asa sátti ótti deýge bolady. Má­selen, jazda Elena Rybakına «Ýımbl­donnyń» jekeleı synynda dara shyqsa, ártúrli jastaǵy birqatar tennısshimiz halyqaralyq týrnırlerde júldegerler qatarynan kórindi. Sondaı-aq bıyl elimizdiń úsh birdeı quramasy (erler, áıel­der jáne jasóspirimder) tarıh­ta alǵash ret qatarynan úsh álem chempıonatynda baq synaý múm­kindigine ıe boldy. О́kinishke qa­raı, ujymdyq saıysta otandas­tarymyz jankúıerlerdi óreli oıyndarymen qýanta almady. Atap aıtar bolsaq, erler quramasy Devıs kýboginiń, al áıelder qu­ramasy Bıllı Djın Kıng kýbo­giniń toptyq kezeńinen árige asqan joq. Al Chehııanyń Prosteıov qa­lasyndaǵy jasóspirimderdiń álem chempıonatynda óner kór­setken Qazaq­stan quramasy qola júldege qol­sozym qalǵanda sú­rinip, álem birinshiligin tórtinshi orynmen túıindedi.

О́z jas sanatyndaǵy dúnıe­júzilik reıtıngtiń aldyńǵy qa­­tarynda turǵan Zańǵar Nur­lanuly, Damır Jalǵasbaı jáne Danıel Tazabekov sekildi talantty jastardan quralǵan ten­nısshilerimiz el namysyn abyroımen qorǵady dep aıtýǵa bolady. Olar jarys barysynda buǵan deıingi álem chempıonattarynda úzdik shyqqan Argentına, Italııa sııaqty eldiń ókilderin joldan taıdyryp, tek jartylaı fınalda ǵana azýly AQSh quramalaryna jol berdi.

Qazaqstannyń erler quramasy Glazgodaǵy Devıs kýboginiń fı­naldyq kezeńinde Nıderland jáne AQSh quramasymen bir topta oınap, ekeýinen de je­ńilip, jarys­ty erte aıaqtaýǵa máj­búr boldy. Dál sol qalada uıym­das­tyrylǵan Bıllı Djın Kıng kýboginde qyzdarymyz alǵashqy oıynda jarys qojaıyny Uly­brıtanııany 2:1 esebimen tize búktirgenimen, kelesi kezdesýinde Ispanııadan 3:0 esebimen utylyp qaldy. Al týr­nırdiń fınalynda barlyq qar­sylasyn qoǵadaı japyryp, fınalda Aýstralııa qu­ramasyn 2:0 esebimen jeńgen Shveı­sarııa qyzdary myqtylyq tanytyp, jarys jeńimpazy atandy.

Bıllı Djın Kıng kýbogi match­tarynan keıin Qazaqstan tennıs federasııasynyń vıse-pre­zıdenti Iýrıı Polskıı qyz­dar quramasynyń oıynyna qatysty óz pikirin ortaǵa saldy. «Bı­ylǵy álem chempıonatynda kútpegen nátıjeler kóp tirkeldi. Bi­rinshi matchta kort qojaıyny – Ulybrıtanııa quramasyn ut­qanymyzben, asa tartysty kezdesýde Ispanııaǵa jol berdik. Sol oıynda ıspanııalyqtar qat­ty sharshaǵan bolýy kerek, kelesi kúni Ulybrıtanııadan tas-talqan bolyp jeńildi. Sóıtip brı­ta­nııa­lyqtar jartylaı fınalǵa shyqty. Ulybrıtanııa uıymdas­tyrýshy el retinde týrnırge arnaıy shaqyrtý alǵanyn jaqsy bilesizder. Al bizdiń qurama irik­­teý saıysynda Germanııany jeńip, fınaldyq kezeńge shyqqan 12 eldiń qataryna qosyldy. О́kinishke qaraı, qyzdarymyz mundaı iri týrnırge birinshi ret qatysyp turǵandyqtan, júldeli oryndardan kórine almady. De­genmen, bul – sport. Kelesi jyly budan da jaqsy nátıje kór­setemiz degen úmittemin», dedi ol.

Sondaı-aq birer kún buryn Qazaqstan qyzdar quramasynyń kelesi jylǵy irikteý kezeńindegi qarsylasy belgili boldy. Jerles­terimiz 2023 jyldyń 14-15 sáýiri kúnderi elordada álemniń birinshi raketkasy Iga Shventek bastaǵan Polsha quramasymen sheberlik baıqasady. Osy básekede jeńiske jetken komanda jyl sońyndaǵy fınaldyq kezeńge joldama alady. Irikteý matchtary ádettegideı tórt jekeleı jáne bir juptyq kezdesýden turady.

– Álem chempıonaty bylaı tursyn, irikteý kezeńinde de osal qarsylas joq. О́ıtkeni barlyq quramanyń fınalda oınaǵysy keledi. Kelesi jyly Astanada Polshamen synǵa túsemiz. Pol­shanyń bas juldyzy Iga Shven­tek ekeni belgili. Eger, Elena Rybakına Shventekpen oınasa, jeńiske jetedi dep oılaımyn. Polshanyń ekinshi raketkasy Magda Lınett álemdik reıtıngte qazir 49-orynda tur. Oǵan qosa, juptyq synda oınaıtyn tennısshileri de myqty. Árıne, biz óz elimizde óner kórsetemiz, munyń artyqshylyqtary bar. Pol­shamen komandalyq deńgeı­de áli oınap kórgen joqpyz. Biraq tennısshiler ózara kezdesip júr. Túrli birlesken jıyndardy ótkizý baǵytynda Polsha tennıs federasııasymen tyǵyz baılanys­tamyz. Olardyń ten­nıs­shileri bizge keledi, bizdiń sportshylar Polshaǵa barady. Matchty asyǵa kútemiz, – deıdi Iý.Polskıı.