Oraldan ushqan FlyArystan ushaǵy Almatyǵa 18 qarasha kúni saǵat 06.15-te jetýi kerek bolǵan. Biraq bort ishindegi bir jolaýshy ózin jaısyz sezingendikten, ushaq shuǵyl túrde Aqtóbege qondy, dep habarlaıdy Egemen.kz IIM Kóliktegi polısııa departamentiniń baspasóz qyzmetine silteme jasap.
Belgili bolǵandaı, Oraldan Almatyǵa bet alǵan ushaq 18 qarasha kúni saǵat 05.20-da Aqtóbe qalasyndaǵy áýejaıǵa qonǵan.
«Aqtóbege qonýynyń sebebi – 1963 jyly týǵan er adamnyń densaýlyǵy nasharlady. Ol Aqtóbe qalasyndaǵy jedel járdem aýrýhanasyna jatqyzyldy», delingen habarlamada.
Qazir oqıǵanyń mán-jaıy anyqtalyp jatyr.