Qoǵamdyq tártip pen qaýipsizdikti qamtamasyz etetin Ulttyq ulan sapyna jyl saıyn on myńdaǵan bozbala kelip, Otan aldyndaǵy azamattyq boryshyn óteıdi. Astana irgesindegi 5573 áskerı bóliminiń ózinen jyl saıyn elimizdiń túkpir-túkpirinen kelgen bir jarym myńdaı jas sarbaz eline qorǵan bolar rýhy myǵym azamat bop túlep shyǵady, dep jazady Egemen.kz.
18 qarasha kúni Ulttyq ulannyń astanalyq áskerı qalashyǵynda 2-2021 jylǵy shaqyrylym sarbazdaryn qurmetteý keshi ótti.
Árbir sarbazdyń áskerı isti meńgerýinde, naǵyz Otan qorǵaýshy bop qalyptasýyna yqpal etken úlken-kishi komandırlerge, jyl boıy qoldaý tanytqan ata-ana, jaqyndaryna da alǵys bildirdi.
Shara barysynda sarbazdarǵa óz batalondary týraly ádemi beınerolıkter, qyzmet joldary men demalys ýaqytyndaǵy qýanyshty sátteri taspalanǵan estelik sıýjetter kórsetildi.