Oblystaǵy barlyq saılaý ýchaskelerinde tańǵy saǵat 7:00-de elimizdiń memlekettik Ánuranyn shyrqalyp, daýys berý ýchaskelik tóraǵalardyń quttyqtaýynan keıin Prezıdent saılaý bastaldy, dep jazady Egemen.kz.
Quzyrly oryndardyń habarlaýynsha, barlyq saılaý ýchaskesi qajetti materıaldarmen qamtamasyz etilgen, sondaı-aq múmkindigi shekteýli jandar úshin jaǵdaı jasalǵan. Oblysta barlyǵy 8 aýmaqtyq saılaý komıssııasy jáne 243 ýchaskelik saılaý komıssııasy jumys isteıdi. Onyń ishinde 83 saılaý ýchaskesi Aqtaý qalasynda ornalasqan. Saılaý komıssııalarynyń quramynda 1 765 adam bar. Oblys boıynsha 411 103 saılaýshy bar.
Turǵyndar óz saılaý ýchaskesin birneshe nusqa arqyly bile alady. Iаǵnı, saılaý ýchaskelerin «JSN boıynsha saılaý ýchaskesin izdeý» aqparattyq servısi arqyly, sondaı-aq baılanys operatorlary SMS-habarlama arqyly alynǵan «109» baılanys ortalyǵynyń qysqa nómiri boıynsha bilýge bolady. Ekinshiden, turǵylyqty mekenjaıyńyzdy kórsetý arqyly ýchaskelik saılaý komıssııasynan bilýge bolady. Úshinshiden, Kaspi.kz jáne Halyk qosymshalarynan da bile alady.