Qazaqstan Respýblıkasynyń Prezıdenti laýazymyna qaıta saılanýyna baılanysty Qasym-Jomart Toqaevtyń atyna Qytaı Halyq Respýblıkasynyń Tóraǵasy Sı Szınpınniń quttyqtaý jedelhaty kelip tústi, dep habarlaıdy Egemen.kz Aqordaǵa silteme jasap.
– Saılaýdaǵy aıqyn jeńisińiz Qazaqstan halqynyń Sizge degen senimin jáne О́zińizdi tolyq qoldaıtynyn bildiredi. Sizdiń biregeı basshylyǵyńyzben elińizdi reformalaýǵa baǵyttalǵan barlyq bastamańyz tabysty bolatynyna jáne Jańa Qazaqstandy qurý isi ilgerileıtinine senimdimin. Qytaı men Qazaqstan arasyndaǵy yntymaqtastyqty damytýǵa erekshe mán beremin jáne dıplomatııalyq qatynastardyń ornaǵanyna 30 jyl tolǵan ýaqytta sizdermen birge máńgi ári jan-jaqty strategııalyq seriktestiktiń jańa kezeńine qadam basýǵa daıynmyn, – dep jazylǵan jedelhatta.