Qazaqstan Prezıdenti Qasym-Jomart Toqaev Belarýs Respýblıkasynyń Prezıdenti Aleksandr Lýkashenkomen telefon arqyly sóılesti, dep habarlaıdy Egemen.kz Aqordaǵa silteme jasap.
Belarýs Prezıdenti Aleksandr Lýkashenko Qasym-Jomart Toqaevty kezekten tys Prezıdent saılaýyndaǵy jeńisimen quttyqtady.
Áńgime barysynda qos Prezıdent Qazaqstan men Belarýs arasyndaǵy yntymaqtastyqtyń, strategııalyq seriktestik pen odaqtastyqtyń qazirgi jaǵdaıy men odan ári nyǵaıý perspektıvalaryn talqylady. Sondaı-aq taraptar halyqaralyq jáne óńirlik kún tártibindegi ózekti máseleler jóninde pikir almasty.