Joldastyq kezdesý barysynda Birikken Arab Ámirlikteriniń (BAÁ) qaqpasyna gol soqqan Abat Aıymbetov Qazaqstan ulttyq quramasy sapyndaǵy TOP-10 surmergenniń qataryna endi.
Surmergender kóshin Rýslan Baltıev bastap tur. 1997-2009 jyldar aralyǵynda ulttyq qurama namysyn qorǵaǵan jartylaı qorǵaýshy qarsylastar qaqpasyn 13 márte dál kózdedi. Ekinshi orynda – Vıktor Zýbarev. Ol 1997 jyldan bastap, 2002 jylǵa deıin Qazaqstan quramasynyń jeıdesin kıdi. Boıshań shabýylshy 10 ret nysanany dál kózdedi. Bul kúnderi jasyl alańda jasyndaı jarqyldap júrgen Bahtıer Zaınýtdınov úzdik úshtikti túıindep tur. Ol – 9 goldyń avtory. Sondaı-aq bul tizimde Dmıtrıı Bıakov (8 gol), Sergeı Hıjnıchenko (8 gol), Nurbol Jumasqalıev (7 gol) bar. Al kúni keshe ǵana altynshy márte mergendik tanytqan Abat Aıymbetov osy kórsetkishi jaǵynan Igor Avdeev, Oleg Lıtvınenko, Sergeı Ostapenko jáne Islambek Qýatpen teńesti. Olardyń barlyǵy da alty doptan soqty.