«Qazaqmys» kompanııalar tobynyń eńbek ujymdary Qasym-Jomart Toqaevty Qazaqstan Respýblıkasynyń Prezıdenti laýazymyna saılanýymen quttyqtady. Olar Memleket basshysyna ashyq hat joldady.
Quttyqtaýda Qasym-Jomart Toqaevtyń saılaýdaǵy senimdi jeńisi – Qazaqstan halqynyń, onyń ishinde «Qazaqmys» tobyna qarasty kásiporyndar qyzmetkerleriniń joǵary senimi men qoldaýynyń aıǵaǵy ekeni aıtylǵan.
«Prezıdent bolǵan úsh jyl ishinde Siz ózińizdi kóregen saıasatker, tájirıbeli dıplomat jáne naǵyz bitimger retinde kórsettińiz. Sizdiń basqarýshylyq qasıetterińizdi qazaqstandyqtar ǵana emes, álemdik qoǵamdastyq ta joǵary baǵalaıdy. Siz ózińizdi halqymyz úshin taǵdyrly sheshimder qabyldaı alatyn joǵary kásibı basshy retinde tanyttyńyz. Sondyqtan da Siz azamattarymyzdyń qoldaýy men qurmetine laıyqsyz», delingen hatta.
Sondaı-aq «Qazaqmys» qyzmetkerleri Qazaqstannyń jańa tarıhı kezeńge enip jatqanyn atap ótip, aldaǵy reformalar halyqtyń tilegine tıimdi jaýap bolatynyna jáne buryn-sońdy bolmaǵan syrtqy syn-qaterler jaǵdaıynda elimizdiń turaqtylyǵyn qamtamasyz etetinine senim bildirdi.
«Biz Qazaqstannyń turaqtylyǵy men qaýipsizdigin nyǵaıtýǵa yqpal etetin aýqymdy ózgerister Sizben birge jalǵasady dep senemiz», delingen quttyqtaýda.
Sondaı-aq hatta «Qazaqmys» kompanııalar tobynyń árbir qyzmetkeriniń atynan Memleket basshysyna burynǵysynsha Qazaqstan ekonomıkasynyń berik negizi bolyp qala beretin eldiń taý-ken metallýrgııa salasyna erekshe nazar aýdarǵany úshin alǵys aıtylǵan.
«Biz, geologter, kenshiler, baıytýshylar, metallýrgter men energetıkter, Sizge zor densaýlyq pen alǵa qoıylǵan mindetterge qol jetkizý úshin kúsh-qýat tileımiz! Biz óz kezegimizde jańa qazaqstandyq qoǵamdy nyǵaıtýǵa jan-jaqty qoldaý kórsetýge ýáde beremiz.
Biz birge Ádiletti Qazaqstan quratynymyzǵa senimdimiz!», deıdi óndiris maıtalmandary.