Memleket basshysy Qasym-Jomart Toqaev ulyqtaý rásiminde eshqashan adaldyqtan attamaýǵa sert berdi, dep habarlaıdy Egemen.kz.
«Saılaýǵa qatysqan barsha jurtqa rızashylyǵymdy bildiremin. Naýqanǵa atsalysqan qaýymǵa, baıqaýshylar men jýrnalısterge zor alǵys aıtamyn. Prezıdenttikke kandıdattarǵa da qurmetimdi bildiremin. Saılaýda saıası partııalar jáne qoǵamdyq uıymdar mańyzdy sátte judyryqtaı jumyla alatynyn kórsetti. Osy rette, meni prezıdenttikke ortaq kandıdat retinde usynǵan halyq koalısııasy múshelerine rahmet aıtqym keledi. Men ózime daýys bergen azamattardyń ǵana emes, búkil Qazaqstan halqynyń aldynda esep beretin boldym. Qazaqta «Baılyq ne kerek, adaldan jımasań, bılik ne kerek, ádildik qurmasań» degen sóz bar. Bul – buljytpaı ustanatyn ómirlik qaǵıdatym», dedi Memleket basshysy.
Kók týdy súıip, dana halqynyń aldynda bas ıgen Prezıdent eldiń arman-muratyna ómir-baqı adal bolýǵa sert berdi. Ol eshqashan adaldyqtan attamaýǵa jáne el múddesine qııanat jasamaýǵa ant etti.
«Ata zańǵa qolymdy qoıyp, onyń ár sózin múltiksiz oryndaımyn. Halqymnyń aldyndaǵy osy antym aldaǵy qyzmetimde men úshin aınymas temirqazyq bolady», dedi ol.