Memleket basshysy Fransııaǵa resmı sapary aıasynda Fransýz halyqaralyq qatynastar ınstıtýtynyń prezıdenti ári negizin qalaýshy Terrı de Monbrıalmen kezdesti, dep habarlaıdy Egemen.kz Prezıdenttiń baspasóz qyzmetine silteme jasap.
Qasym-Jomart Toqaev Eýropanyń eń yqpaldy saraptama ortalyqtarynyń biri sanalatyn Fransýz halyqaralyq qatynastar ınstıtýtynyń (IFRI) bedeli týraly habardar ekenin, al Terrı de Monbrıaldi belgili saıasattanýshy ǵalym retinde biletinin atap ótti. Áńgimelesý barysynda olar ózekti geosaıası máseleler men álemdegi prosesterdiń damý perspektıvalary jóninde pikir almasty.