Memleket basshysy Nursultan Nazarbaev Djeıkob Zýmaǵa Ońtústik Afrıka Respýblıkasynyń Prezıdenti laýazymyna qaıta saılanýyna baılanysty quttyqtaý jedelhatyn joldady, dep habarlady Prezıdenttiń baspasóz qyzmeti.
D.Zýma basqaratyn partııanyń saılaýdaǵy jeńisi zańdylyq ekenin atap ótken Qazaqstan Prezıdenti taıaý ýaqyttarda OAR áleýmettik-ekonomıkalyq damý jolynda budan da zor nátıjelerge jetip, halyqaralyq arenada óz bedelin nyǵaıtatynyna senim bildirgen.
«Qazaqstan Respýblıkasy Ońtústik Afrıka Respýblıkasymen aradaǵy baılanystardy ári qaraı tereńdetýge, ekijaqty saýda-ekonomıkalyq jáne mádenı-gýmanıtarlyq qatynastardy jańa deńgeıge shyǵarýǵa múddeli», – delingen jedelhatta.
Sońynda Nursultan Nazarbaev D.Zýmaǵa myqty densaýlyq, jaýapty qyzmetinde tabys, al dostas OAR halqyna baq-bereke tilegen.