Halyqaralyq fýtbol federasııasy (FIFA) Germanııa fýtbol qaýymdastyǵyna (DFB) Katarda ótip jatqan álem chempıonatynyń erejelerin saqtamaǵany úshin aıyppul saldy, dep habarlaıdy Egemen.kz.
Prosports.kz portaly taratqan aqparatqa sensek, 2022 jylǵy álem chempıonatynyń toptyq kezeńiniń ekinshi týryndaǵy Ispanııa – Germanııa matchy aldynda resmı baspasóz máslıhatyna Germanııa quramasynyń bas bapkeri Hansı Flık jalǵyz kelgen.
Reglament boıynsha onymen birge bir fýtbolshy kelýi kerek edi. Germanııa quramasynyń bazasy match aldyndaǵy baspasóz máslıhaty ótken Dohadan 100 shaqyrym jerde ornalasqan. Sondyqtan mańyzdy oıyn qarsańynda Flık oıynshylardyń eshqaısysyn alańdatqysy kelmegen.
Nátıjesinde FIFA Germanııa fýtbol federasııasyna on myń shveısarııalyq frank (shamamen 10,1 myń eýro) aıyppul saldy, sonymen qatar eskertý jasady.
Álem chempıonatynyń toptyq kezeńiniń sońǵy týrynda Germanııa quramasy 1 jeltoqsan kúni Kosta-Rıka quramasymen oınaıdy.