Sıfrlyq damý, ınnovasııalar jáne aeroǵarysh ónerkásibi mınıstrligi men «Qazposhta» AQ poshta baılanysyn sıfrlandyrý maqsatynda yntymaqtastyq týraly memorandýmǵa qol qoıdy, dep habarlaıdy Egemen.kz.
Yntymaqtastyqty damytýdaǵy mańyzdy qadamnyń biri - gıbrıdti elektrondyq poshtany qurý boldy. Bul - paıdalanýshylarǵa elektrondy túrde jiberilgen habarlamalarmen nemese qujattarmen almasýǵa múmkindik beretin qyzmet.
Qujattardy jetkizý prosesi kelesideı bolady: adresat hatty qalalyq nemese aýdandyq baılanys torabynyń elektrondyq poshtasyna jiberedi, onda ol basylyp shyǵarylady jáne konvertke salynyp adresatqa jetkiziledi.
Gıbrıdti poshtanyń arqasynda hattar shalǵaı aımaqtarǵa 1-3 kún ishinde jetkizilip, jetkizý shyǵyndary eki esege jýyq azaıady. Sonymen qatar bul jerde poshta jóneltilimderin onlaın rejıminde baqylaýǵa bolady.
«Joba sheńberinde gıbrıdti elektrondyq poshta júıesin elektrondyq qujat aınalymynyń biryńǵaı júıesimen ıntegrasııalaý júrgizildi, bul hattardy jiberý prosesin edáýir jeńildetedi, sonymen qatar hat - habarlardy keńseden shyqpaı-aq kez kelgen yńǵaıly ýaqytta 24/7 jiberýge bolady», dedi mınıstrliktiń apparat basshysy Kenjeǵalıev Arman Shoqanuly.
Memorandýmnyń maqsaty - áriptestik pen bir-biriniń múddelerin qorǵaý negizinde Qazposhta men SDIAО́M arasyndaǵy poshta salasynda, sıfrlyq qyzmetter salasynda yntymaqtastyqty damytý.
«Bizdiń kompanııa aǵymdaǵy óndiristik prosesterdi jetildirý jáne servıs sapasyn jaqsartý boıynsha jumysty jalǵastyrady. Qazirgi ýaqytta biz gıbrıdti elektrondyq poshtaǵa (GEP) nazar aýdaramyz - bul memlekettik jáne jeke sektorda jumys isteıtin kompanııalar úshin mańyzdy ári qajet qyzmet. GEP - bul habarlamalarmen jáne qujattarmen elektrondyq túrde almasýǵa múmkindik beretin baılanys qyzmeti, ıaǵnı bul poshta jóneltilimderin jiberýge jáne qadaǵalaý úshin resýrstardy aıtarlyqtaı únemdeýge ákeledi», dedi «Qazposhta» AQ Basqarma tóraǵasy Ásel Janasova.
Qazirgi ýaqytta bul qyzmet barlyq oblys jáne aýdan ortalyqtarynda iske qosyldy, Joǵarǵy Sotpen ıntegrasııa júzege asyryldy. Aldaǵy ýaqytta Bas prokýratýramen, salyq komıtetimen, «UAT» AQ-men jáne basqa da múddeli memlekettik organdarmen, zańdy tulǵalarmen ıntegrasııalaý josparlanýda.