ASTANA. 4 maýsym. Eýrazııalyq ekonomıkalyq odaqtyń yqpalymen ishki naryq syıymdylyǵyn keńeıtýge jol ashylady. Ortalyq kommýnıkasııalar qyzmetinde ótken brıfıngte Parlamenti Senatynyń depýtaty Aqan Bıjanov osylaı dedi. Bul týraly «QazAqparat» habarlady.
Aqan Bıjanov: «EAEO-ny qurý ishki naryq syıymdylyǵyn aıtarlyqtaı arttyra túsedi. «Úshtik» elderiniń ortaq naryǵynyń kólemi 2,5 trln. dollardy, jalpy óndiristik áleýeti 600 mlrd. dollardy quraıdy. Al adamı resýrs 168 mln.-nan asady», – dedi.
Senatordyń aıtýynsha, ishki ekonomıkalyq shekteýlerdi alyp tastaý, biryńǵaı tarıftik saıasat engizý syndy kóptegen tıimdi áreketter otandyq óndirýshiler úshin ótkizý naryǵyn ulǵaıta túsedi.
Sondaı-aq, ol: «Úsh eldiń bıznes ortasy memlekettik satyp alý júıesine teń qoljetimdilikke ıe bolady. Bul óz kezeginde taýarlar men qyzmetter jetkizýdegi zor naryqqa jol ashady. Máselen, tek ótken jyldyń ózinde Reseı men Belarýstyń memlekettik satyp alý naryǵy 198 mlrd. dollardy quraǵan», – dedi.
Joldybaı Bazar.
Derekkóz: «QazAqparat».
Foto: today.kz.