«Astana qalasynyń qorshaǵan ortany qorǵaý jáne tabıǵat paıdalaný basqarmasy» MM «Jas Nur» óndiristik-sharýashylyq kásiporny» JShS-men birlesip, bıylǵy 5 jeltoqsannan bastap elordadaǵy Esil ózeninde aerasııa is-sharalaryn ótkize bastady, dep habarlaıdy Egemen.kz.
Aerasııa - sýdy ottegimen qanyqtyrý prosesi. Sýdan temirdi jáne qajetsiz erigen gazdardy (kúkirtsýtek jáne t.b.) ketirý úshin keńinen qoldanylatyn reagentsiz ádis.
Qys mezgilinde balyqtardyń sanyn saqtaý maqsatynda qabyrshaqtanýǵa qarsy is-sharalar (aerasııa) júrgiziledi. О́ıtkeni, muz ben qardyń qalyńdaýyna baılanysty sýdaǵy otteginiń mólsheri azaıady. Sýdaǵy ottegi konsentrasııasynyń normanyń jartysyna deıin tómendeýi balyqtardyń tirshiligine zııandy.
Qysta aerasııa jumystary muz qabatynyń astynda jınalatyn jáne sý qoımasynyń ottegi rejımine eleýli teris áser etetin zııandy gazdardan sýdy tazartady. Kóktemde aýa men sýdyń temperatýrasy kóteriledi. Osy ýaqytta aerasııa arnaıy bakterııalardyń óz qyzmetin bastaýyna yqpal etedi, bul olardyń ómirlik belsendiligimen sý qoımasyndaǵy ekologııalyq tepe-teńdikti edáýir jaqsartýǵa yqpal etedi.