Sanaýly kúnderden soń О́zbekstannyń bas shahary – Tashkentte karateden eresekter arasyndaǵy 18-shi, jastar men kadetterdiń 20-shy jáne parakarateden alǵashqy Azııa chempıonatynyń jalaýy jelbireıdi.
Tashkent tatamıinde el namysyn qyzdar quramasynan byltyrǵy Tokıo Olımpıadasy men álem chempıonatynyń qola júldegeri Sofıa Berýlseva (+ 68 kılo), halyqaralyq týrnırlerdiń jeńimpazy Laýra Áliqul (-68 kılo), bıylǵy Islam oıyndarynyń júldegeri Ásel Qanaı (61 kılo), Álem kýboginiń ıegeri Ásemgúl Erdáýlet (55 kılo) jáne Dıana Álımanova (50 kılo) qorǵaıdy.
Al erler arasyndaǵy básekede Azııa chempıony, Azııa oıyndary men álem birinshiliginiń qola júldegeri Danııar Iýldashev (84 kılo), álem chempıonatynyń qola júldegeri Nurqanat Ájiqanov (75 kılo), Sary qurlyq dodasynyń qola medal ıegeri Igor Chıhmarev (84 kılo), sondaı-aq Dıas Ulbek, Beıbarys Jańbyr, Nurnııaz Eldashov (+84 kılo), Dıdar Ámiráli (67 kılo), Qaısar Alpysbaı (60 kılo) jáne Nızamıddın Qalmatov (55 kılo) synǵa túsedi.
Aıta keteıik, Qazaqstan quramasy Azııa birinshiliginde tek kýmıte baǵdarlamasynda baq synaıdy. Kata synynda qazaqstandyqtar tatamıge shyqpaıdy.