Kanadanyń Kalgarı qalasynda konkı sportynan ótip jatqan Álem kýboginiń kezeńdik saıysynda qazaqstandyq Nadejda Morozova óz jankúıerlerin qýantty.
«Úıeńki japyraqtar elinde» 1 500 metrlik qashyqtyqta jerlesimiz kúmis medal ıelendi. Onyń kórsetkishi – 1:52.823. Morozova Mıho Takagıden ǵana qalyp qoıdy. Árıne, ondaı myqty sportshymen ıyq tiresý ońaı bolmaǵany anyq. Qansha degenmen japon qyzynyń Olımpııa oıyndarynyń eki dúrkin jeńimpazy, tórt dúrkin kúmis jáne bir márte qola júldegeri degen ataqtary bar. Sondaı-aq Takagı álem chempıonattarynda da talaı ret top jarǵan. Al Olımpıadanyń tórt dúrkin júldegeri, álemniń birneshe dúrkin chempıony nıderlandtyq Antýanetta de Iongke qola medal buıyrdy.
Bul Nadejda Morozovanyń bıylǵy maýsymdaǵy alǵashqy júldesi emes. Osydan bir apta buryn Kvebek qalasynda ótken «Tórt qurlyq týrnırinde» jerlesimiz
1 500 metrlik qashyqtyqta altynnan alqa taqqan edi.